Stand Firm: سیلف ہیلپ کلچر کے خلاف ایک کتاب —– محمد عثمان خان

Stand Firm: (Resisting the Self -Improvement Craze)
Svend Brinkmann

یہ کتاب جیسا کہ نام سے ظاہر ہے Self Help کلچر کے خلاف ہے۔ Self-Realization, Motivation Speaking آپ چاہے اسے جو نام دیں آج کے دور میں ایک بہت بڑی انڈسٹری بن چکی ہےاوریہ انڈسٹری سرمایہ دارانہ نظام کی مضبوطی کا اہم ذریعہ ہے۔ سرمایہ دارانہ نظام کا اصل زور لالچ و حرص کوبڑھانے پر ہے کیونکہ لالچ اور حرص Accumulation of wealth کا ذریعہ بنتی ہیں اور اس سے سرمایہ داری مضبوط ہوتی ہے۔ لہذا ٓج ہم زندگی کے ہر شعبے پر نظر ڈالیں تو وہاں آگے بڑھنا، نت نئے ہنر سیکھنا اور ہر کچھ عرصے کے بعد پیشہ تبدیل کرتے رہنا ایک عام َروِش بن چکی ہے۔ اور یہ سب کام اس Self Helpانڈسٹری کی بھر پور معاونت سے ہورہا ہے۔

شاید قارئین کو یہاں یہ لگے کہ یہ سب تو اچھی باتیں ہیں مگریہاں اصل سوال یہ پیدا ہوتا ہے کہ مسلسل تبدیلیوں سے انسان کے اندر نفسیاتی، سماجی اور روحانی طور پر مسائل پیدا ہورہے ہیں یا نہیں؟ اور اگر ہورہے ہیں تو وہ کس درجے کے ہیں؟ان تمام سوالات کو مصنف نے اس کتاب میں خوبصورتی سے اٹھایا ہے اور ان کی وجوہات کا شاندار تجزیہ پیش کیاہے۔. bhad bhabie instagram

دنیا مسلسل بہتر سے بہترین کی جانب بڑھ ہے اور یہ سب محض مادّی سطح پر ہورہا ہے۔ جس کی وجہ سے بہت سے ایسے انسان جو اس ڈوڑ کا ساتھ نہیں دے پارہے وہ مسلسل دنیا میں غیر اہم ہوتے جا رہے ہیں۔ اس کی وجہ سے وہ ایک خاص قسم کی اجنبیت و تنہائی کا شکار ہیں۔ ایسے لوگ یا تو سسک سسک کر جی رہے ہیں یا پھر خودکشی کر رہے ہیں۔ اس صورتحال میں لوگوں کو یہ سمجھانا بہت اہم ہے کہ بجائے اس ڈوڑ میں اندھا دھند بھاگاجائے انسا ن کو ایک مقام پر رک جانا چاہیے اور مادّی ترقی کے بجائے روحانی اور نفسیاتی تنفع پر توجہ کرنی چاہیے۔ اس کو مصنف نے Stand Firm سے موسوم کیا ہے۔

اس کتاب مین ابتدائیہ/تعارف کے علاہ سات ابواب ہیں۔ ہر باب اصل میں Self Help کلچر کے خلاف ایک اصول ایک نصیحت ہے جسے اپنانےپر مصنف نے زور دیا ہے۔ یہ اصول درج ذیل ہیں:

1. خودی پر نہیں خدا پر پر بھروسہ
2. مثبت پسندی کے بجائے حقیقت پسندی
3. نا کہنا سیکھیے
4. جذبات کا کھل کر اظہار کیجیے
5. Self help کوچز سے جان چڑائیے
6. کامیاب افراد کی سوانح پڑھنے کے بجائے ناول پرھیے
7. مستقبل کے بجائے ماضی کا سوچیے

مجوعی طور پر یہ ایک شاندار تصنیف ہے جو Self Help کی حقیقت کو واضح کرتی ہے اور اس کا سرمایہ دارانہ نظام کے لیے ناگزیر ہونا ثابت کرتی ہے۔ راقم کے پاس اصل کتاب کا انگریزی ترجمہ ہے جو کہ عام فہم ہے۔ کتاب کا اندار بیان سادہ ہے اور ترتیب ایسی ہے جوقاری کو مسلسل کتاب سےجوڑے رکھتی ہے۔ ہمارے معاشرے کے لیے اس کتاب کے اردو ترجمہ کی اشد ضرورت ہے۔ امید ہے کوئی باذوق صاحب اس جانب ضرور توجہ کریں گے۔

یہ کتاب درج ذیل لنک کے ذریعے ڈاون لوڈ کی جاسکتی ہے:

https://www.pdfdrive.com/stand-firm-resisting-the-self-improvement-craze-e194624564.html