Connect with us

شاعری

چائے اچھی تھی — (نثری نظم) — ڈاکٹر وحیدالرحمن خاں

Published

on

چائے اچھی تھی
لیکن مہنگی پڑی ہے
آسمان سے
زمین پر آنا پڑا ہے
نظریں نیچی کرنی پڑی ہیں
صرف پرچم کو سرنگوں نہیں کیا
سرافراز مونچھ کو بھی
جھکانا پڑا ہے
ہتھیار پھینکنے پڑے ہیں
دھول دھپا
شاید ان کوہستانیوں کا شیوہ تھا
سو سہنا پڑا ہے
گالیاں سن کر
بے مزا ہونا پڑا ہے
مگر چائے بے مزا نہیں تھی
چائے اچھی تھی
لیکن مہنگی پڑی ہے

Advertisement

Trending