ادارتی/مشاورتی بورڈ

دانش مشاورتی بورڈ

احمد جاوید

مذہبیات، الٰہیات، فلسفہ، ادبیات، اقبالیات اور تصوف کا گہرا مطالعہ رکھنے والے خوبصورت شاعر احمد جاوید صاحب کا ایک تعارف انکی خوبصورت، مدلل اور رجی ہوئی دل میں اترتی گفتگو بھی ہے۔ دانش کو روز اول سے جاوید صاحب کی مشاورت حاصل ہے۔

آصف محمود

قانون اورانگریزی ادبیات کی تعلیم کے ساتھ ساتھ صاحب اسلوب نثر نگار آصف محمود کی شہرت بطور کالم نگار اور اینکر، ایک دبنگ اور صاحبِ رائے شخص کی ہے۔ میڈیا کے وسیع تجربہ کے علاوہ اعلی سطح کے قانون دان بھی ہیں۔

فتح محمد ملک

فتح محمد ملک نامور دانش ور، مصنف، ماہر تعلیم اور درجنوں کتب کےمصنف ہیں۔ اقبالیات اور مذہبی فکریات انکی دلچسپی کے خاص موضوعات ہیں۔ طویل عرصہ تک ملک کی مختلف جامعات کے ساتھ پروفیسر سے لے کر ریکٹر تک کی حیثیت سے وابستہ رہے۔ ملک صاحب اپنے خاص نظریات و افکار کی بنا پر ادبی اور دانشورانہ حلقوں میں منفرد شناخت رکھتے ہیں۔

ارشاد کلیمی

فنانس و معیشت کے اعلی تعلیم پس منظر کے ساتھ وفاقی حکومت میں سول سرونٹ کی حیثیت سے اعلی عہدے پر خدمات سرانجام دے رہے ہیں۔ مصنف اور ڈاکتریٹ کی تدریس کے ساتھ ساتھ ادبیات و مذہبیات کا وسیع مطالعہ اور نہایت عمدہ ذوق رکھتے ہیں۔ سب پہ مستزاد یہ کہ ایسی شاندار نثر لکھنے ہیں کہ جسکے لکھنے والے تو کیا پڑھنے والے بھی اب کم یاب ہیں۔

احمد اقبال

کہنہ مشق کہانی کار اور خوبصورت نثر نگار اقبال صاحب بالعموم فکشن کےقاری کے لئے اور بالخصوص ڈائجسٹ کے قاری کے لئے ہرگز اجنبی نہیں۔ کئی دہائیوں کا تجربہ رکھنے والے احمد اقبال صاحب علم و ادب کے شناور اور صاحب طرز ادیب ہیں۔

سلمان آصف

طویل عرصہ سے بین الاقوامی صحافتی اداروں سے وابستہ سلمان صاحب کیریئر کے ابتدا میں پی ٹی وی سے بھی متعلق رہے۔ متنوع موضوعات سے گہرا علمی و عملی اشتغال، سنسکرت بھاشا سے فارسی و پنجابی تک کئی زبانوں پہ عبور، خوبصورت نثر لکھنے والے، جینڈر اسپیشلسٹ اور کئی بین الاقوامی اداروں کے مشیر سلمان آصف کا ادبی ذوق بہت رچا ہوا اور رنگ برنگ ہے۔ کلاسیکی موسیقی، آرٹ اور خطاطی سے صداکاری تک انکی دلچسپیوں کا دائرہ بہت وسیع ہے۔

عزیز ابن الحسن

پروفیسر عزیز اسلامی یونیورسٹی شعبہ اردو کے سربراہ اور کئی کتب کے مصنف ہیں۔ حسن عسکری اور ادبی تنقید انکے خاص موضوعات ہیں۔ کلاسیکی موسیقی کا عمدہ ذوق اور اردو لسانیات پہ گہری نظر رکھتے ہیں۔

سلمان عابد

صحافت و ادب کی آغوش میں پرورش پانے والے سلمان عابد نے دانش مند تجزیاتی کالم نویسی میں بہت جلد اپنا مقام بنایا اورمنوایا ہے۔ سماجی و سیاسی موضوعات پہ کئی کتابوں کے مصنف ہیں۔

سہیل عمر

بین الاقوامی شناخت کے حامل دانشور سہیل عمر حال ہی میں اقبال اکیڈمی کے سربراہ کی حیثیت سے فارغ ہوئے ہیں۔ تصوف، کونیات، اقبالیات و فلسفہ سے متعلق گہرا ذوق و شوق رکھتے ہیں، بے شمار کتب اور مضامین شایع ہوچکے۔ ترجمہ کے میدان کے بھی شہسوار ہیں اور پاکستان میں رینے گینوں کے مکتب فکر کے نمایندہ کے طور پہ جانے جاتے ہیں۔

اعجاز الحق اعجاز

لاہور میں مقیم اعجاز صاحب نفیس ادبی ذوق کے حامل ادیب اور استاد ہیں۔ اقبالیات انکی دلچسپی کا بنیادی حوالہ ہے۔ کئی کتب تصنیف کرچکے ہیں اور دانشورانہ تحریروں اور سرگرمیوں میں مصروف رہتے ہیں۔

ڈاکٹر نجیبہ عارف

ڈاکٹر صاحبہ جامعہ اسلامیہ شعبہ اردو کی سربراہ ہیں۔ خوبصورت نثر لکھتی ہیں۔ ادبی و فکری بہت سی کتب کی مصنفہ اور پر مغز و نفیس گفتگو کی صلاحیت کی حامل ایک صوفی روح ہیں۔

آغا نور محمد

محمود فیّاض

برطانیہ اور سعودیہ میں تعلیم اور پیشہ ورانہ ذمہ داریوں کا وسیع تجربہ رکھنے والے محمود فیاض پختہ فکر اور دھیمے مزاج کے کہنہ مشق لکھاری ہیں۔  انکے موضوعات محبت ، زندگی اور نوجوانوں کے مسائل کا احاطہ کرتے ہیں۔ اپنی تحریروں میں میں محبت، اعتدال، اور تفکر کی تبلیغ کرتے ہیں۔

ادریس آزاد

دانش ادارتی بورڈ

شاہد اعوان

مینیجنگ ایڈیٹر

خورشید احمد ندیم

سینئر مدیر

عثمان سہیل

سینئر مدیر

فلسفہ، الہیات اور معیشت کے نظری عملی پہلووں سے علمی شغف اور اشتغال رکھنے والے عثمان سہیل پروفیشنل اکاونتینسی کی اعلی تعلیم اور دو دہائیوں سے مختلف کاروباری اداروں میں خدمات کا تجربہ رکھتے ہیں۔ ایک عدد زدہ مضطرب روح جو گاہے اعداد کی کاغذی اقلیم سے باہر بھی آوارہ گردی کرتی رہتی ہے۔

میاں ارشدفاروق

سینئر مدیر

میاں ارشد صاحب لاہور میں پیشہ وکالت سے وابستہ ہیں۔ ترقیاتی تنظیموں اور کارپوریٹ اداروں کے مشیر ہیں اور ادب فلسفہ اور سماجیات میں گہری دلچسپی رکھتے ہیں۔ ادبی مطالعہ نے انکی نثر کو چاشنی عطا کی ہے اور سنجیدہ فکر نے تحریر کو گہرائی۔ اردو ویب اور سماجی ذرائع ابلاغ کی دنیا میں مختلف پہلووں سے وسیع تجربہ رکھتے ہیں۔

حبیبہ طلعت

سینئر مدیر

کراچی یونیورسٹی اور پنجاب یونیورسٹی سے ماسٹرز کرنے والی حبیہ طلعت کثیرالمطالعہ اور کہنہ مشق قلمکار ہیں۔ انکی دلچسپیوں کا دائرہ علم ادب سے مذہب و سیاست کو محیط ہے مگر فیض کا ذکر ہی انہیں وجد میں لانے کو کافی ہے۔

عاطف حسین

مدیر

عاطف حسین ‘کامیابی کا مغالطہ’ کے مصنف ہیں۔ روزی روٹی کمانے کے علاوہ ان کے مشاغل میں وقت ضائع کرنا، لوگوں کو تنگ کرنا، سوچنا اور کبھی کبھار کچھ پڑھ لینا تقریباً اسی ترتیب سے شامل ہیں۔ اپنی دلچسپی کے موضوعات پہ موڈ سے لکھتے اور تراجم کرتے ہیں۔

ثمینہ ریاض

نائب مدیر

پنجاب یونیورسٹی سے ماسٹرز کے بعد کئی برس سیاسیات، تاریخ اور مطالعہ پاکستان کی تدریس کی وجہ سے  سماجیات پر زیادہ دھیان ہے، ثقافت، مذہب اور انسانیت کو ساتھ لیکر چلنے کی خواہش مند ثمینہ کی تحاریر انکی خواہش اور گہرے مشاہدہ کے سبب دل پہ اثر کرتی ہیں۔ 

دیگر

شکیل اعوان

آرٹ ڈاریکٹر

ڈیجیٹل میڈیا میں آرٹ، ڈیزاین اور تخلیقیت کا بین الاقوامی سطح کا عملی تجربہ رکھنے والے شکیل اعوان ایک دانشورذہن اور خوبصورت قلم بھی رکھتے ہیں۔

عابد آفریدی

بیورو چیف کراچی

قبائلی علاقہ کے عابد آفریدی کی جنم بھومی کراچی ہے۔ کراچی کے سوشلستانی منظر نامے کا متحرک اور خوبصورت چہرہ۔ سچا پاکستانی، جو ایک فطری مزاح نگار ہے۔ تابناک مسقتبل اپنی پیشانی پہ سجائے یہ جوان رعنا سچا “دانش”ور ہے۔

(Visited 223 times, 1 visits today)