مجنون کو کمپیوٹیز بولنا آتی تو تھی مگر اس کی ماں کو ابھی اس پر اعتماد نہ تھا۔ دراصل مجنون کی پرورش ایک ایسے ماحول میں ہوئی تھی جہاں بڑی سے بڑی غلطی بھی لفظ “معذرت” سے دُھل جاتی تھی۔ لیکن اب وہ کئی سالوں کی خلاگردی کے بعد دنیائے امکان سے واپس دنیائے امشان میں آچکے تھے۔ کہکشاںِ امشان کے ساتویں نظامِ شمسی کی اس ریاضیاتی دنیا میں لغزشِ لفظ و لہجہ تہذیبِ امشان کو خلائے کائنات سے ہمیشہ ہمیشہ کے لیے مٹانے کا باعث بن سکتی تھی۔ لہٰذا اسے کمپیوٹیزمیں بات کرنے کا اذن نہ تھا۔