ﺗﻨﮩﺎﺋﯽ ﮐﺎ ﺳﻔﺮ ——- ببلی شیخ

0

ﺍﻧﺴﺎﻥ ﺍﺳﻘﺪﺭ ﺗﻨﮩﺎﺋﯽ ﻣﯿﮟ ﻣﺒﺘﻼ ﮨﮯ ﮐﮧ ﮐﻮﺋﯽ ﻧﮧ ﮐﻮﺋﯽ ﺑﺖ ﺗﺮﺍﺵ ﯾﺎ ﺗﻼﺵ ﮨﯽ ﻟﯿﺘﺎ ﮨﮯ۔ ﺍﯾﺴﺎ ﮐﯿﻮﮞ ﻧﮧ ﮐﺮﮮ، ﺍﯾﮏ ﺑﺖ ﮨﯽ ﺗﻮ ﮨﮯ ﺟﻮ ﺍﺱ ﮐﯽ ﺑﺎﺕ ﺳﻦ ﻟﯿﺘﺎ ﮨﮯ، ﺧﺎﻣﻮﺷﯽ ﺳﮯ ﺍﻃﻤﯿﻨﺎﻥ ﺳﮯ، ﺑﺎﻟﮑﻞ ﺑﺖ ﮐﯽ ﻃﺮﺡ ﺑﺲ ﺍﭘﻨﮯ ﺑﺖ ﮨﻮﻧﮯ ﮐﺎ ﻓﺮﺽ ﺍﺩﺍ ﮐﺮ ﺩﯾﺘﺎ ﮨﮯ۔ ﺍﯾﺴﮯ ﮨﯽ ﺗﻮ ﻧﮩﯿﮟ ﻣﺴﺠﺪ ﻣﯿﮟ ﻧﻤﺎﺯﯾﻮﮞ ﺳﮯ زﯾﺎﺩﮦ ﻣﺰﺍﺭﻭﮞ ﺍﻭﺭ ﻣﻘﺒﺮﻭﮞ ﭘﺮ ﻋﻘﯿﺪﺕ ﻣﻨﺪﻭﮞ ﮐﺎ ﮨﺠﻮﻡ ﻟﮕﺎ ﺭﮨﺘﺎ۔

ﺍﻧﺴﺎﻥ ﮐﻮ ﺷﺎﯾﺪ ﺳﻨﻨﮯ ﺳﮯ ﺯﯾﺎﺩﮦ ﺑﻮﻟﻨﺎ ﭘﺴﻨﺪ ﮨﮯ، ﺑﮯ ﻟﮕﺎﻡ ﺑﻮﻟﺘﺎ ﮨﮯ، ﺑﻨﺎ ﺳﻮﭼﮯ ﺳﻤﺠﮭﮯ ﺑﻮﻟﺘﺎ ﮨﮯ ﺍﻭﺭ ﺑﺲ ﺑﻮﻟﺘﺎ ﮨﯽ ﺭﮨﺘﺎ ﮨﮯ۔ ﺍﻭﺭ ﺍﺳﮯ ﺳﻨﻨﮯ ﻭﺍﻻ ﺑﮭﯽ ﺍﯾﺴﺎ ﭼﺎہیے ﺟﻮ ﭼﭗ ﭼﺎﭖ، ﺳﻮﺍﻝ ﺍﭨﮭﺎﺋﮯ ﺑﻨﺎ، ﺑﻨﺎ ﺭﻭﮐﮯ ﺑﻨﺎ ﭨﻮﮐﮯ ﺳﻨﺘﺎ ﺟﺎﺋﮯ۔ ﺍﺏ ﺑﮭﻼ ﺑﺖ ﺳﮯ ﺑﮩﺘﺮ ﺳﻨﻨﮯ ﮐﯽ ﯾﮧ ﭼﺎﮐﺮﯼ ﺍﻭﺭ ﮐﻮﻥ ﮐﺮ ﺳﮑﺘﺎ ﮨﮯ۔ ﻭﮦ ﻟﻮﮒ ﺟﻮ ﺑﺘﻮﮞ ﮐﯽ ﺻﺤﺒﺖ ﮐﮯ ﻗﺎﺋﻞ ﻧﮩﯿﮟ ﮨﻮﺗﮯ ﻭﮦ ﮐﭽﮫ ﻣﺨﺘﻠﻒ ﻃﺮﺡ ﺳﮯ ﺍﭘﻨﯽ ﺗﻨﮩﺎﺋﯽ ﺩﻭﺭ ﮐﺮﺗﮯ ﮨﯿﮟ، ﺟﯿﺴﺎ ﮐﮧ ﮐﭽﮫ ﻟﻮﮒ ﮐﺘﺎﺏ ﺳﮯ ﺩﻭﺳﺘﯽ ﮐﺮﻟﯿﺘﮯ ﮨﯿﮟ ﺍﻭﺭ ﮐﭽﮫ ﻗﻠﻢ ﮐﮯ ﻭﺍﺳﻄﮯ ﺳﮯ ﮐﺎﻏﺬ ﮐﮯ ﺳﯿﻨﮯ ﻣﯿﮟ ﺍﭘﻨﯽ ﺑﺎﺕ ﺟﮍ ﺩﯾﺘﮯ ﮨﯿﮟ۔ ﻗﻠﻢ ﺍﻭﺭ ﮐﺎﻏﺬ ﺑﮭﯽ ﮐﯿﺎ ﮐﻤﺎﻝ ﮐﮯ ﺳﺎﺗﮭﯽ ﮨﯿﮟ، ﻣﮑﻤﻞ ﻃﻮﺭ ﭘﺮ آﭖ ﮐﮯ ﮐﻨﭩﺮﻭﻝ ﻣﯿﮟ ﺭﮨﺘﮯ ﮨﯿﮟ، آﭖ ﮐﮯ ﮐﺴﯽ ﮐﮍﻭﮮ ﮐﺴﯿﻠﮯ ﺟﻤﻠﮯ ﭘﺮ ﭼﻮﮞ ﭼﺮﺍﮞ ﺑﮭﯽ ﻧﮩﯿﮟ ﮐﺮﺗﮯ۔ ﺍﻟﻔﺎﻅ ﮐﮯ ﺳﺐ ﻧﺸﺘﺮ ﺳﮩﮧ ﺟﺎﺗﮯ ﮨﯿﮟ۔ ﻣﯿﺮﮮ ﻧﺰﺩﯾﮏ ﯾﮧ ﺗﻨﮩﺎﺋﯽ ﺳﮯ ﻧﭙﭩﻨﮯ ﮐﺎ ﺑﮩﺘﺮﯾﻦ ﻃﺮﯾﻘﮧ ﮨﮯ۔ ﺍﯾﺴﮯ ﻟﻮﮔﻮﮞ ﮐﺎ ﺫﮨﻦ ﻣﻌﺎﺷﺮﺗﯽ آﻟﻮﺩﮔﯽ ﺳﮯ ﭘﺎﮎ ﺭﮨﺘﺎ ﮨﮯ، ﺍﻭﺭ ﻣﻌﺎﺷﺮﮦ ﺍﯾﺴﮯ ﻟﻮﮔﻮﮞ ﮐﯽ آﻟﻮﺩﮔﯽ ﺳﮯ ﺧﻮﺩ ﮐﻮ ﮐﻮﺳﻮﮞ ﺩﻭﺭ ﺭﮐﮭﻨﺎ ﭼﺎﮨﮯ ﺗﻮ ﺭﮐﮫ ﺳﮑﺘﺎ ﮨﮯ ﮐﯿﻮﻧﮑﮧ ﯾﮧ ﻣﻌﺎﺷﺮﮮ ﮐﯽ ﻣﺮﺿﯽ ﮨﮯ ﮐﮧ ﻭﮦ ﺍﯾﺴﮯ ﺗﻨﮓ ﺩﻝ ﻟﮑﮭﺎﺭﯾﻮﮞ ﮐﯽ ﺗﺤﺮﯾﺮ ﭘﮍﮬﻨﺎ ﭼﺎﮨﮯ ﺗﻮ ﭘﮍﮬﮯ ﻭﺭﻧﮧ ﺭﺩﯼ ﺷﻤﺎﺭ ﮐﺮﮮ۔

ﮐﭽﮫ ﻟﻮﮒ ﮨﺠﻮﻡ ﻣﯿﮟ ﺭﮨﻨﺎ ﭘﺴﻨﺪ ﮐﺮﺗﮯ ﮨﯿﮟ، ﻣﺤﺎﻓﻞ ﻭ ﻣﺠﺎﻟﺲ ﻣﻨﻌﻘﺪ ﮐﺮﻭﺍﺗﮯ ﮨﯿﮟ، ﻣﺤﻔﻞ ﮐﯽ ﺭﻭﻧﻖ ﺑﻨﺘﮯ ﮨﯿﮟ، ﺳﻨﺘﮯ ﮨﯿﮟ، ﺳﻨﺎﺗﮯ ﮨﯿﮟ، ﺩﺍﺩ ﻭﺻﻮﻟﺘﮯ ﮨﯿﮟ، ﮐﮭﺎﺗﮯ ﭘﯿﺘﮯ ﺍﻭﺭ ﻋﯿﺶ ﮐﺮﺗﮯ ﮨﯿﮟ۔ ﭼﮭﻮﭨﮯ ﻣﻮﭨﮯ ﺍﻓﯿﺌﺮﺯ ﭼﻼﺗﮯ ﺭﮨﺘﮯ ﮨﯿﮟ، ﺟﺲ ﺳﮯ ﺍﻧﮑﯽ ﺗﻨﮩﺎﺋﯽ ﺑﮩﻞ ﺟﺎﺗﯽ ﮨﮯ ﺍﻭﺭ ﺍﻥ ﮐﺎ ﺳﻠﺴﻠﮧ ﭼﻠﺘﺎ ﺭﮨﺘﺎ ﮨﮯ۔

ﮐﭽﮫ ﺍﻧﺪﺭﻭﻧﯽ ﺑﺖ ﺑﮭﯽ ﮨﻮﺗﮯ ﮨﯿﮟ ﺟﯿﺴﺎ ﮐﮧ ﺍﻧﺎ ﮐﮯ ﺑﺖ، ﺟﺐ ﺗﮏ ﺍﻧﺴﺎﻥ ﺍﺱ ﺑﺖ ﮐﻮ ﺳﺮ ﭘﺮ ﺳﻮﺍﺭ ﺭﮐﮭﺘﺎ ﮨﮯ، ﺗﺐ ﺗﮏ ﻭﮦ ﮐﺴﯽ ﮐﯽ ﻧﮩﯿﮟ ﺳﻨﺘﺎ، ﺍﻧﺎ ﮐﮯ ﺑﺖ ﮐﮯ ﺳﺎﻣﻨﮯ ﺳﺐ ﺣﻘﯿﺮ ﻧﻈﺮ آﺗﮯ ﮨﯿﮟ، ﻧﺎ ﺟﺎﻧﮯ ﺍﺱ ﺑﺖ ﮐﮯ ﺯﯾﺮ ﺍﺛﺮ ﻟﻮﮒ ﮐﯿﺎ ﮐﯿﺎ ﮐﺮ ﮔﺰﺭﺗﮯ ﮨﯿﮟ، ﻟﯿﮑﻦ ﺳﻨﺘﮯ ﮐﺴﯽ ﮐﯽ ﻧﮩﯿﮟ ﺟﺐ ﺗﮏ ﯾﮧ ﺑﺖ ﺍﻧﺴﺎﻥ ﮐﻮ ﺗﻮﮌ ﻧﮧ ﺩﮮ۔

ﮐﭽﮫ ﻟﻮﮒ ﺍﯾﺴﮯ ﺑﮭﯽ ﮨﯿﮟ ﺟﻮ ڈﺭ ﺍﻭﺭ ﺧﻮﻑ ﮐﯽ ﺻﺤﺒﺖ ﻣﯿﮟ ﺍﺫﯾﺖ ﻧﺎﮎ ﻟﻤﺤﮯ ﭼﭗ ﭼﺎﭖ ﮔﺰﺍﺭ ﺩﯾﺘﮯ ﮨﯿﮟ ﺍﻭﺭ ﮐﺴﯽ ﮐﻮ ﺧﺒﺮ ﺑﮭﯽ ﻧﮩﯿﮟ ﮨﻮ ﭘﺎﺗﯽ ﮐﮧ ﻭﮦ ﮐﺲ ﻃﺮﺡ ﺭﻭﺯ ﺟﯿﺘﮯ ﺍﻭﺭ ﻣﺮﺗﮯ ﮨﯿﮟ۔ ﻟﯿﮑﻦ ﺍﻥ ﮐﺎ ڈﺭ ﺍﻭﺭ ﺧﻮﻑ ﺑﮭﯽ ﺑﻼ ﮐﺎ ﻭﻓﺎ ﺩﺍﺭ ﮨﻮﺗﺎ ﮨﮯ، ﮐﺒﮭﯽ ﺗﻨﮩﺎ ﻧﮩﯿﮟ ﭼﮭﻮﮌﺗﺎ۔

ﮐﭽﮫ ﻟﻮﮒ ﺍﯾﺴﮯ ﺑﮭﯽ ﮨﯿﮟ ﺟﻨﮩﻮﮞ ﻧﮯ ﻣﺰﺍﺭ ﺍﭘﻨﮯ ﺍﻧﺪﺭ ﮨﯽ ﺩﻓﻦ ﮐﺮ ﺭﮐﮭﮯ ﮨﻮﺗﮯ ﮨﯿﮟ۔ ﻣﺜﺎﻝ ﮐﮯ ﻃﻮﺭ ﭘﺮ ﺩﮐﮭﻮﮞ ﮐﮯ ﻣﺰﺍﺭ، ﺍﺫﯾﺖ ﻧﺎﮎ ﻟﻤﺤﻮﮞ ﮐﯽ ﻗﺒﺮﯾﮟ، ﻧﺎﮐﺎﻣﯿﻮﮞ ﮐﮯ ﮐﺘﺒﮯ۔ ﺍﻭﺭ ﯾﮧ ﻟﻮﮒ ﻭﻗﺘﺎ ﻓﻮﻗﺘﺎ ﺍﻥ ﻗﺒﺮﻭﮞ ﺍﻭﺭ ﻣﺰﺍﺭﻭﮞ ﭘﺮ ﺣﺎﺿﺮﯼ ﺩﯾﺘﮯ ﺭﮨﺘﮯ ﮨﯿﮟ۔ ﺍﺏ ﺗﻨﮩﺎﺋﯽ ﺩﻭﺭ ﮐﺮﻧﮯ ﮐﺎ ﮐﭽﮫ ﺗﻮ ﺳﺎﻣﺎﻥ ﭼﺎﮨیے ﺍﯾﮏ ﻣﺰﺍﺭ ﮨﯽ سہی، ﮐﻮﺋﯽ ﺩﺭﺑﺎﺭ ﮨﯽ سہی۔

ﺍﻧﺪﺭ ﮐﯽ ﺗﻨﮩﺎﺋﯽ ﺍﻭﺭ ﺑﺎﮨﺮ ﮐﮯ ﺑﺘﻮﮞ ﮐﯽ ﺑﮯ ﻭﻓﺎﺋﯽ، ﺟﯽ ﮨﺎﮞ ‘ﺑﮯ ﻭﻓﺎﺋﯽ ﺟﺐ ﺍﻧﺴﺎﻥ ﮐﻮ ﺗﻮﮌ ﺩﯾﺘﯽ ﮨﮯ ﺗﻮ ﻭﮦ ﺍﺱ ﺫﺍﺕ ﮐﻮ ﺗﻼﺵ ﮐﺮﺗﺎ ﮨﮯ ﺟﻮ ﺩﮐﮭﺎﺋﯽ ﻧﮩﯿﮟ ﺩﯾﺘﯽ، ﺟﻮ ﮐﻞ ﺻﻔﺎﺕ ﮐﯽ ﺣﺎﻣﻞ ﮨﮯ ﺟﻮ ﺍﻧﺴﺎﻥ ﮐﮯ ﺍﻧﺪﺭ ﺑﮭﯽ ﺑﮯ ﺍﻭﺭ ﺑﺎﮨﺮ ﺑﮭﯽ۔ ﺟﻮ ﮨﺮ ﭨﻮﭨﮯ ﮨﻮﺋﮯ ﺍﻧﺴﺎﻥ ﮐﻮ ﭘﻨﺎﮦ ﺩﯾﺘﯽ ﮨﮯ۔

ﺍﺱ ﺫﺍﺕ ﮐﺎ ﺗﺼﻮﺭ ﮨﺮ ﺗﻨﮩﺎﺋﯽ ﺳﮯ ﺑﮍﺍ ﮨﮯ۔ ﺟﯽ ﮨﺎﮞ ﻭﮦ ﺭﺏ ﮐﯽ ﺫﺍﺕ ﮨﮯ، ﺟﻮ ﺍﻧﺘﻈﺎﺭ ﮐﺮﺗﯽ ﮨﮯ ﺍﻭﺭ ﺷﺪﺕ ﺳﮯ ﺍﻧﺘﻈﺎﺭ ﮐﺮﺗﯽ ﮨﮯ ﺍﭘﻨﮯ ﺑﻨﺪﮮ ﮐﮯ ﭘﻠﭩﻨﮯ ﮐﺎ، آﺧﺮ ﺍﺳﯽ ﮐﯽ ﻃﺮﻑ ﺗﻮ ،ﭘﻠﭩﻨﺎ ﮨﮯ ﺑﺎﻟﮑﻞ ﺗﻨﮩﺎ، ﻭﮦ ﺗﮭﺎﻡ ﻟﮯ ﮔﺎ ﻭﮦ ﭼﮭﭙﺎ ﻟﮯ ﮔﺎ ﻭﮦ ﺍﮐﯿﻼ ﻧﮩﯿﮟ ﭼﮭﻮﮌﺗﺎ ﺍﭘﻨﮯ ﺑﻨﺪﮮ ﮐﻮ۔ وہی سب سے زیادہ مخلص دوست ہے اور رہبر بھی۔ 🙂

(Visited 1 times, 6 visits today)

Leave a Reply

Leave A Reply

%d bloggers like this: