پنجاب کا ایک تعارف یہ بھی ہے: ڈاکٹر عاصم اللہ بخش

0

پنجاب کا ایک تعارف یہ بھی ہے کہ اپنی زبان چھوڑ کر اردو کو اپنا فخر بنا لیا. سندھ سے رہنما کو کاندھوں پر بٹھا کر ایوان وزیراعظم پہنچایا، اس کی ناحق پھانسی پر خود سوزیاں کیں. اسی پنجاب سے لوگوں نے بلوچستان جا کر بلوچ حقوق کے لیے ریاست کے خلاف اسلحہ تک اٹھایا. یقین نہیں تو نجم سیٹھی صاحب اور راشد رحمان صاحب کے متعلق معلوم کر لیجیے.

پنجاب میں ڈیم نہیں بننے دیا گیا، کہیں سے پنجاب دشمنی کا واویلا بلند ہؤا ؟ گیس اور بجلی بحران کی وجہ سے پنجاب کی صنعتیں، بالخصوص ٹیکسٹائل جان بلب ہو گئی … ہزاروں گھروں کے چولہے بجھ گئے … سازش یا معاشی قتل کا کوئی الزام لگا ؟ اور تو اور این ایف سی ایوارڈ میں اپنا حصہ رضاکارانہ کم کیا تاکہ بلوچستان کے لیے رقم بڑھ جائے … پھر بھی غاصب اور لٹیرا کہلایا …. کسی نے اف تک کی یہاں سے ؟

پنجاب کے شہروں میں روزانہ کی بنیاد دھماکے ہوتے رہے …. پنجاب میں مقیم کسی دوسرے صوبے سے تعلق رکھنے والے پاکستانیوں کو تنگ یا تنہا کرنے کی کبھی کوئی کوشش کی گئی ؟ پنجاب میں کوئی نو گو ایریا بنا، کہیں بھی ؟؟؟

پھر اچانک یہ لسانیت کا اتنا سماعت خراش شور و غوغا کیوں ؟

پنجاب کو لسانی فسادات سے ڈرانے، یا دراصل اس پر اکسانے والے یاد رکھیں وہ ایک بار پھر ناکام ہوں گے…. لاہور قلندرز کی طرح. کیونکہ اس پنجاب میں آج بھی کوئٹہ گلیڈی ایٹرز اور پشاور زلمی مقبول ترین ٹیمیں ہیں !

About Author

Leave a Reply

Leave A Reply

%d bloggers like this: