فلم : اندھا دھند —- تبصرہ ۔۔۔۔۔۔۔ اعجاز الحق گھمن‎

0
  • 14
    Shares

اندھا دھند فلم دیکھنا مسلسل دو گھنٹے شش و پنج میں مبتلا رہنے کے مترادف ہے۔ کہانی کو اس قدر مروڑ مروڑ کر بیان کیا گیا ہے اور اس میں انتہا کی پچیدگیاں ہیں کہ اچھا بھلا آدمی بھی تذبذب کا شکار ہو جاتا ہے۔ جیسا کہ فلم کے آغاز میں کسان خرگوش کو گولی مارتا ہے لیکن وہ روڈ پہ موجود پتھر کے پیچھے چھپ جاتا ہے اور یہ گولی اس کو نہیں بلکہ کہانی کے آخر میں سمی کو لگتی ہے جو اس کی موت کا کارن بنتی ہے۔ اس فلم کا پلاٹ واقع ہی شاندار تھا جس میں جگہ جگہ تردد رکھ دیا گیا ہے۔ جس کی وجہ سے میں ابھی تک شش وپنج میں مبتلا ہوں۔

اس فلم کے کرداروں کی بات کی جائے تو سب سے مضبوط کردار سمی(تبو) کا ہے جس نے بیک وقت فلم میں ایک بیوی، قاتل، سوتیلی ماں، اداکار اور ایک معشوق کا کردار ادا کیا اس کی اداکاری کمال تھی اس نے ان کرداروں میں جان ڈال دی۔ دوسرے نمبر پر اکاش( ایوشمن کھرانہ) کی اداکارانہ صلاحیت کو میں داد دیتا ہوں کہ اس نے فلم میں ایک کلا کار کا کردار ادا کیا جس نے اپنی انسپائریشن کی خاطر اندھا ہونے کا ناٹک کیا۔ اس نے بھی انتہا کی اداکاری دکھائی اور ساتھ ساتھ یہ پیغام بھی دیا کہ ایک کلاکار اپنی شہرت اور کامیابی کی خاطر کچھ بھی کر سکتا ہے۔ اس کے بعد سوفی (رادیکا آپٹے) اور انسپیکٹر منوہر نے بھی قابل ستائش فنکاری دکھائی۔

منظر نگاری کی بات کی جائے تو وہ عمدہ اور نفیس تھی جیسا کہ شروع میں بند گوبھی کے کھیت میں کسان اور جنگلی خرگوش کو دکھایا گیا ہے۔ ریل گاڑی دکھانا تو بالی ووڈ کی روایت ہے جو اس فلم میں بھی صاف صاف نظر آئی۔ آخر میں جب ڈاکٹر سوامی سمی اور اکاش کو لے کر پونے سے ممبئی کی طرف جاتا ہے وہاں ایک ہی منظر پر دو سین دکھائے گئے ہیں جہاں مجھے تھوڑی گڑبڑ محسوس ہوئی۔

اس فلم میں گانے بڑے چنیدہ شامل کیے گئے ہیں جن کا میوزک بڑا کمال تھا۔ خیر مجھے اس کے سارے گانے بڑے پسند آئے ویسے بھی گانے بجانے میں انڈیا آگے ہے بھئی! کیونکہ یہ عوامل ان کے مذہب میں شامل ہیں۔

یہ فلم میں نے فلم میڈیا کی ساری کلاس اور استاد محترم سر احمد حماد صاحب کی زیر نگرانی ارینا سینما بحریہ آرچرڈ میں دیکھی جس میں ہمیں سر نے سینما کی ٹیکنالوجی اور ساونڈ سسٹم کے حوالے سے آگاہ اور سینما انتظامیہ کا کہنا تھا کہ اس جیسی ٹیکنالوجی ابھی پورے پاکستان میں کسی اور سینما میں نہیں ۔ خیر طلبہ سج دھج کے چہرے پہ رونق لیے گئے اور امید کرتا ہوں کہ فلم کے حوالے سے بہت کچھ سیکھ کر آئیں ہوں گے۔ میری نیک تمنائیں ہر ایک کے ساتھ مالک سب کو سلامت رکھے اور وطن پاکستان کی بقاءاور سلامتی کی خاطر محنت کرنے کی تو فیق فرمائے۔

آفیشئل ٹریلر۔۔۔۔

Leave a Reply

Leave A Reply

%d bloggers like this: