تازہ خبروں پر مرچوں بھرا تبصرہ —— شفیق زادہ

0
  • 41
    Shares

خبر 1: خدیجہ پر قاتلانہ حملے کے مجرم کی بریت پر عوام برہم
مرچی اول: عوام کو تو بس برہمی کا بہانہ چاہیے، ارے مری تو نہیں نا؟ کافی نہیں؟ زینب کو بھول گئے، بیچاری بچی آن سے بھی گئ اور جان سے بھی! اتنی ہی برہمی ہے تو وطن عزیز میں طلاق کی شرح کیوں بڑھ رہی ہے۔ ملک عزیز میں انصاف صرف زینت امان کی فلم میں بہ صورت راج ببر آتا ہے، اور وہ کیوں آتا ہے یہ نہ پوچھنا ورنہ برہمی ہو جائے گی۔

خبر 2: ایران کا یورینیم کی افزودگی کی صلاحیت کو بڑھانے کا فیصلہ
مرچی دوم : مردانہ کمزوری سہنے والوں میں خوشی کی لہر۔ بصری کمزوری کی وجہ سے صلاحیت کو سلاجیت پڑھ بیٹھے۔ مزہ آئے گا جب نہ نو من تیل ہوگا نہ رادھا سیاست کرے گی۔

خبر 3: الیکسن کمیشن کو فوری اس کتاب کو بین کرنا چاہیے۔ ( فواد چوہدری)
مرچی سوم: پہلے آپ سب اپنے بین بند کریں اور اس کتاب کا نام تو بتائیں۔ توبہ ہے، ابھی زچگی کی کوئ خبر نہیں اور زچہ کا ناطقہ بند کر دیا گیا ہے۔ مصنفہ نہ ہوئی ٹرائے کا گھوڑا ہوگئ جو گھس کر پھٹے گا۔

خبر 4: لاہورمیں غیرت کے نام پرمیاں بیوی قتل
مرچی چہارم: یہ غیرت کے نام پر بے غیرتی کے قتل تعلق حلال کرنے کے بعد ہی کیوں کیے جاتے ہیں۔ جب تک آنکھ مٹکا چل رہا ہوتا ہے تو غیرت ستو پی کر مسمات پڑوسن سے پینگیں کیوں بڑھارہی ہوتی ہے۔

خبر 5: ماروی میمن کو عہدے سے ہٹانے کیلئے پی پی کا الیکشن کمشنر کو خط
مرچی پنجم: بھیا جی ای لیکسن ہو جاویں تو سسری کھد ہی کھٹیا مافق سرک کر جیتنے والی پالٹی میں چلی جائے گی۔

خبر 6:: عمران خان ثابت کرچکے کہ ملک کی قیادت کے اہل نہیں (احسن اقبال)
مرچی ششم :: تو نیشنل بھابھی نے یہ راز بھی آشکارا کردیا۔ یہ تو دو نااہلیاں ہو گئیں۔ شریف آدمی اسی لیے جورو کو ازدواجی رشتے میں باندھ کر مستقلا پاوں بھاری کیے رکھتا ہے۔ چھوڑنے سے بھرم کھل جاتا ہے، جھوٹا ہی سہی

خبر 7:: پاکستان میں میٹھے پانی کی کمی خطرناک حد تک بڑھنے کا امکان
مرچی ہفتم:: چلو اسی بہانے ذیابیطس کے مرض کو قابو کرنے میں مدد ملے گی۔ تھنک پازیٹیو

خبر 8 :: سیاسی جماعتوں نے امیدواروں کی حتمی فہرست جاری نہیں کی
مرچی نہم:: دراصل وہ کالعدم نامردگی سوری نامزدگی فارم پر تو کوئ شریف و فرشتہ صفت نہیں مل سکا۔ اب بزرگوار کی کرپا سے مطلب کا فارم آیا ہے تو کمینوں و حرامخوروں کا تانتا لگا ہے۔ بس مطلب کا بندہ ملتے ہی حتمی فہرست جاری کر دی جائے گی۔

خبر 9:: شہبازشریف کو کس قانون کےتحت بلٹ پروف گاڑی دی گئی؟
مرچی دہم:: قانون قانون قانون، کونسا قانون
مے تے مجاک کتائیے چوئ ساب؛ ہور دسو؛ بم پروف گڈی اگلے الیکشن توں بعد فیر؟

شاہ خبر:: نواز شریف نے شعر سنایا (جنگ)
سپر مرچی:: مذکورہ شعر پیش ہے؛
دیکھو دیکھو کون آیا
شیر آیا شیر ایا
سامعین کے داد کے ڈونگرے، نیب حکام کی نیند اڑ گئ، کرپشن روک سکتے ہیں شاعر کو نہیں، نیب کے بےعیب کرمچاریوں کا واویلا۔ ادھر نواز شریف نے تالیوں کی گونج میں استاد الااساتذہ ملک ریاض بی ٹی والے کی شاہکار تخلیق ” بحریہ ٹاون” کی زمین پر ” پنامی رباعیات ” لکھنے کا اعلان کر دیا۔

Leave a Reply

Leave A Reply

%d bloggers like this: